Pơrjum neh tơrgùm cribơyai, ring bal ală tơngume sền sơ wì cồng nha lam lơh tàm nam lài, ngan là ală broă mờ 2 gah neh bơsong jơh, ală broă gam wơl, gùng dà bơsong kung bè ală kơnòl broă, gùng dà ai tơlik pa tàm nam 2024. 

Đơs pơn dut tàm dơ̆ pơrjum, bàr Thủ tướng đơs nền rơp kràñ cê tơrgùm đơng lam ală Ƀộ, gah broă lơh dà lơgar, càr, ƀòn dờng, mpồl lơh sa kă bro, mpồl lơh broă geh gơ rềng pơgồp bal jơh nùs lam lơh jat geh cồng nha ală jơnau ring bal, jơnau hơ pơrgon, pơn jat tai lơh gơlik bơta ƀuơn ngan rlau jơh ai mpồl lơh sa kă bro 2 lơgar in lơh broă bal bơcri priă, lơh sa kă bro. Bàr gah pin dờn là, cồng nha dơ̆ pơrjum dê rơp lơh gơlik bơta gơn kơnờm pa dong bơta git gơp lơh broă bal đah 2 lơgar ngai sơlơ bơtàu tơnguh, tơl làm, ngan ngồn, pin dờn, geh cồng nha, pơgồp bơnah ngai sơlơ lơh kơ̆ kơljap bơta git gơp lơh bơyô dờng màng, tam klac bal kuơmàng mờ lơh broă bal tơl làm Việt Nam – Lào tàm tơngai tus.