Tàm ngai lơh broă dơ̆ 1, Pơrjum dờng iăt jơnau yal jơnau rcang cih Jơnau yal sền is tìs di bơh Ƀan Cấp hàñ Mpồl cau lơh broă sa lơgar Việt Nam khoă VII; iăt, kơno jơnau yal bè broă tam gơl, bơtơl Điều lệ Mpồl cau lơh broă sa dà lơgar Việt Nam mờ jơnau rcang cih Điều lệ Mpồl cau lơh broă sa lơgar Việt Nam tam gơl; iăt jơnau yal Kơrnoat tơlik mat ală Anih tờm cribơyai mờ bơto pơlam cribơyai. 

Ngai lơh broă dơ̆ 1 mờ uă broă lơh tờm, tàm hơ̆ geh: pồ Mpồl Củ tịc; Mpồl cau gơnoar cih; Mpồl sền nền wơl gơnoar kwang bàng; jơnau yal cồng nha sền sơ wì gơnoar kwang bàng; lơh ring bal broă lơh lơh broă bơh Pơrjum dờng dê; ring bal Kơrnoat pal jat lơh broă bơh Pơrjum dờng dê. Lài mờ tŭ mut tàm dơ̆ lơh broă dơ̆ 1, Củ tịc Mpồl cau lơh broă sa dà lơgar Việt Nam Lương Quốc Đoàn lam bồ Mpồl kwang bàng tus bal pơrjum dờng neh tus ơn guàng bơkào mờ mut tàm Gơlang iês bồc Củ tịc Hồ Chí Minh; chu ñàng kah kơ lôi ală cau ling khin cha jak chài; cau ling chơ̆t màng tàm Anih kah kơlôi Bắc Sơn, Ba Đình, Hà Nội.