Tus bal pơrjum dờng geh rlau 1 rơbô 100 nă kwang bàng ala mat ai rlau 11 tơlak nă đoàn viên tàm jơh gùt lơgar. Do là broă lơh kwơ màng bơh rơnàng cau lơh phan mờ cau lơh broă dê, sơnđờm pờ geh ai tơngai bơtàu tơnguh pa bơh mpồl Kông đoàn dê.

Pơrjum dờng dơ̆ XIII Kông đoàn Việt Nam dê geh kơnòl broă sền wơl cồng nha lơh jat Nghị quyết Pơrjum dờng dơ̆ XII Kông đoàn Việt Nam, gĭt nền jơnau kờñ, kơnòl broă tơngai lơh broă bơh nam 2023- 2028; Pồ Ƀan Cấp hàñ Tổng Liên đoàn Lao động Việt Nam khoă XIII. Tơngai lơh broă bơh nam 2018-2023, Kông đoàn Việt Nam neh ai lơh jat mờ lam lơh ală bơnah dong kờl li la uă ngan, dờng ngan là lời ai đoàn viên, cau lơh broă mờ cau pròc mhàm bơh cau lơh broă dê gơtìp aniai tài bơh kòp Kovid-19 mờ khà priă mờr 6 rơbô tơmàn đong; Rlau 30 tơlak dơ̆ đoàn viên, cau lơh broă geh rài kis kal ke geh lùp còp, gờm chờ sa tềp, pơn dờm pơnđiang, pà phan di dơ̆ “Sa tềp bơtòm mat bal” mờ rlau 28 rơbô tơmàn đong.