Jăt jơnau yal, nam 2022 mờ 9 nhai nam 2023, kờp jơh priă pơlam lơh sa mờ măi mŏk neh lơh geh bơh 15 càr, ƀòn dờng tiah tàm gùl lơgar mờ Tây Nguyên là 115 tơmàn đong. Tàm hơ̆, priă pơlam lơh sa mờ măi mŏk dà lơgar tam pà ai ală càr, ƀòn dờng tàm tiah do in là rơlao 56 tơmàn đong, gam tai là priă tă bơh ală càr, ƀòn dờng dê.

Jăt jơnau đơs bơh Kụk Kông thương tàm ală tiah, gơwèt Ƀộ Kông thương yal, broă pơlam lơh sa mờ măi mŏk bơh 15 càr, ƀòn dờng tiah tàm gùl lơgar mờ Tây Nguyên geh lơh uă bơta, lơh niam bơta pràn tàm pơrlòng tàm ală nhai lồi nam 2023, ală càr pal tơrgùm tàm ờ uă kơnòl broă tờm bè: sền gròi, lam lơh ală rơndăp broă pơlam lơh sa mờ măi mŏk di tơngai; tơnguh jơnau bơto sồr, sền gròi, jăt sền mờ di tŭ bơsong kal ke tàm broă lơh jăt ală rơndăp broă.