Mờ nùs nhơm “Tam klăc bal, bơceh lơh, tơrgùm bal, Lơh tài bơta bơtàu tơnguh tơl ală bơta bơh kơnòm dềt dê, pơgồp bal tàm broă bơ̆t bơtàu dà lơgar pas gơs, gơboh gơbài” Pơrjum dờng cau ala măt Mpồl Sền gàr gơnoar kơnòm dềt Việt Nam dơ̆ IV tơngai lơh broă bơh nam 2023 tus 2026 mùl màl sơn đờm lơh tàm drim ngai òr (01/12) tàm Hà Nội.

Tus bal pơrjum dờng geh 270 nă cau ala măt bơh rơlao 110 rơbô nă cau tàm gùt lơgar. Tơngai lơh broă pa do, Mpồl sền gàr gơnoar tờm kơnòm dềt Việt Nam mờ uă Mpồl bơh ală tiah neh tus bal, rơcang mờ bơceh lơh mờ uă broă lơh nàng tơrbŏ bal, tơrgùm bal jơnau tơngit bơh kơnòm dềt dê. Bơh hơ̆ geh bơyai lơh kơlôi sơnơng, sền gròi mpồl bơtiàn, cri bơyai mờ neh geh mờr 40 mpồl lơh broă mpồl bơtiàn neh geh ai pơgồp jơnau đơs mờ mờr 7 rơbô dơ̆. Mơya, broă lơh bơh Mpồl tàm tơngai pa do kung gam tìp uă kal ke, bơta lòng. Pơrjum dờng ai geh pơn jăt tai lơh sùm broă bơyai lơh mờ lơh broă bơh mpồl dê di jăt mờ gùng dà broă lơh, jơnau kờñ lơh, lơh jăt niam Adăt kơnòm dềt mờ ală kơrnoăt tàm adăt boh lam gơrềng bal tus kơnòm dềt. Bal mờ hơ̆, geh tơnguh ală broă pơgồp bal ală gah lơh broă bè rơcang sơndră mờ pù pờng kơnòm dềt, tìs mờ ală gơnoar tờm kơnòm dềt dê…