Củ tịc Quôk hội ồng Vương Đình Huệ đơng lam pơrjum. Đơs, sền jơnau cih tă pơgồp jơnau đơs tàm pơrjum, uă kwang bàng ndrờm đơs sùm, Kơrnoăt sồ 594 bơh Ủy ƀan Thường vụ Quôk hội dê pơlam lơh broă jăt sền bơh Hội đồng Ñân zân ală kâp dê là cơng tàng adat boh lam kwơmàng ngan, geh kwơ ngan nàng kờñ lơh gơlik bơta tam gơl, lơh jăt tơl jơnau sồr, jăt gùng dà dùl ròt bal, lơh gơtùi broă lơh jăt sền bơh ală anih lơh broă làng bol dê pồ. Đơs pơndŭt tàm pơrjum, Củ tịc Quôk hội ồng Vương Đình Huệ sồr Hội đồng Ñân zân ală càr mờ ƀòn dờng lơh jăt niam 6 kơnòl broă tờm, tàm hơ̆ kơlôi sơnơng, tam gơl, bơtơl nàng lơh jăt dùl ròt bal ală gùng dà, jơnau sồr pa bơh Đảng, Dà lơgar dê, ngan là ală Kơrnoăt bơh Ƀộ Cíñ trị dê bè bơtàu tơnguh lơh sa mpồl bơtiàn ală kơnhoàl ù tiah.