Đơs tàm pơrjum, Kwang atbồ Mpồl rơndăp broă Dà lơgar Trương Thị Mai đơs sùm jơnau kờñ pơn jat tai lơh pràn broă lơh lòt sền, jat sền pal tơrgùm tàm ală gah, ù tiah tờm ƀuơn gơlik geh sa kuề sa kuà mờ bơta ờ niam. Mìng is gơwèt mờ broă lòt sền tŭ geh tềl tơngŏ lơh tìs, mò Trương Thị Mai đơs là, do là broă lơh kwơ màng bơh Ủy ƀan Sền sơ wì Dà lơgar mờ Ủy ƀan ală kấp dê, jat hơ̆ bơh bồ tơngai lơh broă tus tŭ do, bơh lòt sền geh tềl tơngŏ lơh tìs geh rlau 1 rơbô 400 mpồl Đảng mờ rlau 66 rơbô nă đảng viên gơtìp lơh glài. Tàm ală kwang bàng gơtìp lơh glài geh 83 nă kwang bàng tàm mpồl Dà lơgar dê atbồ.

Mò Trương Thị Mai sồr, broă lơh lòt sền, jat sền pal kơlôi sơnơng nền nòn ngan, di pal, ring bal, di nùs di tồr, di tŭ sền gŏ ală broă lơh tìs pa gơlik geh nàng di tŭ bơsong.