Ƀí thư Đảng dà lơgar, Kwang atbồ Ƀan Tuyên giáo dà lơgar ồng Nguyễn Trọng Nghĩa neh đơng lam dơ̆ pơrjum. Tàm pơrjum, ală kwang bàng neh tơrgùm cribơyai lơh loh mờ niam ngan bè gơnoar broă, bơta kuơmàng bơh tơl bơta tàm broă lơh bơt bơtàu Đảng bè cíñ trị, bồ tơngoh, nùs nhơm; bơta tàm gơ rềng đah bơt bơtàu Đảng bè cíñ trị, bồ tơngoh, nùs nhơm mờ bơt bơtàu Đảng bè mpồl lơh broă mờ kwang bàng. Pơrjum dơ̆ do pơgồp bơnah lơh loh rlau tai ală broă ai tơlik bơh uă nam do, ngan là gơ wèt mờ ală bơta lòng ai tơlik tàm gùl tơngai lơh broă pa do. Bơta cíñ trị, bồ tơngoh, nùs nhơm là 3 bơta pơgồp bal lơh gơs gơnoar broă, bơta pràn mờ bơngă pin dờn bơh Đảng he dê.