Do là jơnau sồr bơh mò Trương Thị Mai dê, Kwang bàng tàm Ƀộ Cíñ trị, Duh broă sùm Ƀan Ƀí thư, Kwang ătbồ Mpồl Rơndăp broă Dà lơgar dê sồr tàm Pơrjum lam lơh jăt Jơnau sồr bơh Ƀan Ƀí thư Đảng Dà lơgar dê, bè: “Tơnguh tai bơta lam bồ bơh Đảng dê gơ wèt mờ broă lơh gàr niam rơndăp tăp sèng, lơngăp lơngai lòt rê tàm gùng tàm bơta pa”.

Đơs pơndŭt pơrjum, mò Trương Thị Mai sồr, pal lơh jăt dùl ròt ală kơnòl broă, broă lơh tàm Jơnau sồr do dê, ngan là tàm broă lam bồ, sồr lơh, lơh jăt niam jơnau sồr bơh Đảng dê, kơrnoăt boh lam bơh Dà lơgar dê. Mơkung sồr kwang bàng, đảng viên pal yờ tơnguh uă nùs nhơm geh kơnòl mờ lơh krơh lài gơ wèt mờ broă rơndăp tăp sèng lơngăp lơngai lòt rê tàm gùng.