Pơrjum lơh broă bal 5 càr, ƀòn dờng lơgar Việt Nam mờ Lo
Thứ ba, 15:41, 14/11/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim ngai 13/11, tàm Hà Nội neh geh bơyai lơh Pơrjum lơh broă lơh gùng kềng lơh sa đah 5 càr, ƀòn dờng tàm hơ̆ geh: Hà Nội, Hải Phòng, Quảng Ninh, Lào Cai (Việt Nam) mờ Vân Nam (lơgar Lo) dơ̆ 10; tơrgùm rlau 200 nă kwang bàng cribơyai mìng dùl tơngume bè Bơcri priă, kă bro, Niam chài, Gah lơh sơnơm, Bơto bơtê, Lòt nhơl; Gùng lòt pơndiang phan mờ Logistic.
Do geh sền là broă lơh lơh broă mờ lơgar ndai dờng bơh ƀòn dờng Hà Nội dê tàm tơngai lơgar Việt Nam mờ Lo neh mờ gam jơh nùs lam lơh Jơnau yal bơr bal Việt Nam mờ Lo tơnơ̆ dơ̆ lòt còp bơh Tổng Ƀí thư Nguyễn Phú Trọng mờ dơ̆ tơngkah kir sơnrai 15 nam lơh geh bơta gĭt gơ̆p lơgar lơh broă bal kwơ màng tơl làm tàm nam 2023.
Tàm pơrjum, geh bơyai lơh dơ̆ kĭ hơ sră nggal pơrjum, kĭ hơ jơnau ring bal lơh broă bal đah ală gah, mơkung rơ̆p sền sơ wì wơl broă lơh jat ală tơngume lơh broă bal tàm Sră nggal Pơrjum dơ̆ 9, cribơyai broă lơh nàng kờñ lơh jat geh cồng nha ală tơngume lơh broă bal tàm tơngai tus, pơgồp bơnah chồl tơnguh gơguh lơh sa bơh ală càr, ƀòn dờng mờ lơh broă bal geh kwơ ai ală gah in tàm gùng kềng lơh sa.
Viết bình luận