Pơrjum Lý luận dơ̆ 18 geh lơh tàm tŭ tơngai bơta git gơp 2 Đảng, 2 dà lơgar pơn jat tai bơtàu tơnguh niam, lơh geh uă cồng nha tàm ală gah broă; 2 lơgar pa tơngkah 15 nam ngai lơh bơta git gơp lơh broă bal jŏ jòng tơl làm.

Tàm pơrjum, 2 kwang atbồ mpồl kwang bàng đơs nền jơnau gơtha kuơmàng bơh broă sơlơ tơnguh tai tàm cribơyai lý luận đah 2 Đảng tàm bơta pa, đơs là, do là tŭ nàng 2 gah bal mờ gơp cribơyai, tam pà bal ală cồng nha lý luận mờ mờng chài ngan ngồn kuơmàng bơh 2 Đảng dê tàm broă đơng lam bồ mờ lam lơh jat ală gùng dà, broă lơh bè sền gàr tiah ơm kis, gơguh jak ù tiah brê bơnơm, ngan là tàm broă sơlơ tơnguh bơta tam gơl pa mờ bơtàu tơnguh dà lơgar. Pơrjum kung pơgồp bơnah lơh li la rlau tai tơngume bơta git gơp lơh broă bal jŏ jòng tơl làm đah Việt Nam mờ Lo. Tàm bơnah cribơyai, ală kwang bàng 2 gah neh tàm yal bè bơta geh ngan mờ mờng chài bơh tơl gah dê, lam lơh cribơyai uă, tam pà bal ală broă lơh geh cồng nha kung bè ală bơta ờ niam tàm broă lơh sền gàr ù tiah ơm kis brê bơnơm.