Tàm pơrjum, ală kwang bàng neh ai tơlik uă jơnau đơs bè ală cồng nha neh lơh geh tàm broă lơh pơgồp bal tàm tơngai lài; ală bơta ƀuơn, kal ke, bơta ờ niam, jơnau bơsram mờng chài; ală broă lơh ngan ngồn nàng pơn jat tai tơnguh cồng nha broă lơh gròi sền rài kis ai kông ñân cau lơh broă in, bơt bơtàu rài kông ñân Việt Nam dờng pràn, pơgồp bơnah kuơmàng ngan tàm broă lam lơh jat geh cồng nha Nghị quyết pơrjum dờng dơ̆ 13 Đảng dê.

Thủ tướng đơs nền, Đảng, dà lơgar sùm sền gròi bơt bơtàu rài kông ñân tam gơl pa, dờng pràn mờ mpồl lơh broă kông đoàn kơ̆ kơljap, pràn kơldang, sền do là bơta lài ngan gàr niam cồng nha ai broă lơh tam gơl pa, lơh sa mờ măi mok dà lơgar mờ mut gơ rờm bal dunia. Jat hơ̆, pal bơt bơtàu Kông đoàn Việt Nam kơ̆ kơljap, pràn kơldang tơl làm, geh pràn jak gơ dờp mờ bơsong niam ală broă ai tơlik tàm bơta pa.