Đơs tàm dơ̆ pơrjum, tàm tơngai tus, Thủ tướng Cíñ phủ ồng Phạm Minh Chính sồr Quân ủy Dà lơgar, Ƀộ Quôk phòng mờ ală anih lơh broă, mpồl lơh broă gùt mpồl ling, lơh ngan ngồn jơnau đơs đơng lam bơh Tổng Ƀí thư ồng Nguyễn Phú Trọng dê tàm pơrjum Quân ủy Dà lơgar pa do, nàng tơrgùm đơng lam, sồr lơh, bơyai lam lơh tàm tơngai tus.

Ngan ngồn là, pal rcang lài, nhap nhar, tơnguh uă bơta pràn jak kơlôi sơnơng kờp dŭ lài, lơh jat niam gơnoar broă tă pơgồp jơnau đơs broă lơh kwơ màng mờ Đảng, Dà lơgar bè ling klàng, sền gàr dà lơgar, geh broă lơh bơsong ngăc ngar geh cồng nha ală bơta gơlik geh, mờ nùs nhơm 3 ờ, hơ̆ là: ờ gŏ di sền ờ sơ̆p mờ ờ rcang lài lơh roh bơta rcang ngăc- ờ gŏ di lời gơtìp rơmơ̆p ndơl, nisơna bè broă lơh kwơ màng- ờ gŏ di kwi kwơ, lơyài bơsong ală broă rcang tam lơh mờ ală bơta gơlik geh nisơna bè ling klàng mờ sền gàr dà lơgar.