Đơs tàm pơrjum, ală mpồl lơh sa kă bro jờng rơ bơta gơn kơnờm gơguh lơh sa, anih bơcri priă mờ bơngă bơh Việt Nam dê; bơta pin dờn bơh ală cau bơcri priă lơgar ndai dê tàm broă lơh đơng lam bơh Cíñ phủ, Thủ tướng Cíñ phủ dê; uă tập đoàn lơh sa lơgar ndai git gŏ Việt Nam geh uă tŭ niam gơ gơs tiah tờm tàm ròt ală mpồl lơh gơlik mờ tac phan gùt plai ù; mpồl bơtiàn Việt Nam đơs Việt Nam geh gơnoar broă kuơmàng ngan tàm broă sơlơ tơnguh kă bro gùt plai ù, uă cau bơcri priă dờng hơ pơrgon rề ơnàng bơcri priă tàm lơgar Việt Nam tàm tơngai tus.

Thủ tướng Phạm Minh Chính kơp kờñ mờ pin dờn là, ală mpồl lơh sa kă bro, cau bơcri priă lơgar ndai pơn jat tai lời ai nùs nhơm kờñ gơboh, ơn bơta pin dờn, lơh broă bal jơh nùs, tơnguh nùs nhơm neh hơ pơrgon pal lam lơh geh cồng nha, lòt bal mờ bơtàu tơnguh kơ̆ kơljap jŏ jòng sùm, geh cồng nha mờ Việt Nam – Cồng nha bơh ală cau bơcri priă dê kung là cồng nha Việt Nam dê.