Tàm ƀùi drim, ală cau pơrlòng lơh jơnau pơrlòng môn Khoa họk tự ñiên halà Khoa họk xã hội, ƀùi mho pơrlòng môn dà đơs lơgar ndai. Jơh bal 3 jơnau pơrlòng Khoa họk tự ñiên halà Khoa họk xã hội mờ dà đơs lơgar ndai ndrờm pơrlòng jat broă lơh trắk nghiệm. Tàm hơ̆, jơnau pơrlòng Khoa họk tự ñiên geh 3 môn pơrlòng là Vật lý, Hóa họk mờ Siñ họk; jơnau pơrlòng môn Khoa họk xã hội geh ală môn pơrlòng là Lịc sử, Điạ lý mờ Bơto bơtê làng bol gơ wèt mờ cau pơrlòng bơsram tơngume bơto bơtê 3 kâp ờs mờng; halà môn pơrlòng Lịc sử, Địa lý gơ wèt mờ cau pơrlòng bơsram tơngume bơto bơsram sùm kâp 3. Tơl môn pơrlòng bơh jơnau pơrlòng tơrgùm bal Khoa họk tự ñiên, Khoa họk xã hội geh tŭ jơ lơh jơnau pơrlòng là 50 phuk.

Jat tơrgùm kờp bơh Ƀộ Giáo zụk mờ Đào tạo dê, kờp jơh cau pơrlòng lơh sră dan lơh jơnau pơrlòng môn Khoa họk tự ñiên là rlau 323 rbô nă oh mờ khà cau pơrlòng lơh sră dan pơrlòng Khoa họk xã hội là rlau 566 rbô nă oh. Tàm ngai 28/6, Ƀộ Giáo zụk mờ Đào tạo neh geh sră nggal pơyua Ủy ƀan Ñân zân ală càr, ƀòn dờng bè broă sơlơ tơnguh ală broă lơh sền gàr lơngăp lơngai ai dơ̆ pơrlòng jơh bơsram kâp 3 nam 2023 in tơnơ̆ gơlik geh broă lời gơlik jơnau lùp pơrlòng môn Ngữ văn mờ Toán tàm mạng xã hội.