Tŭ do, Ƀộ Giáo zụk mờ Đào tạo neh crơng gơs 63 mpồl sền pơrlòng, ai điểm pơrlòng tàm 63 Sở Giáo zụk mờ Đào tạo. Ƀộ kung rơp lơh 10 mpồl sền sơ wì jrô ơnàng bè broă lơh rơcang lài ai dơ̆ pơrlòng in tus 20 càr, ƀòn dờng tàm gùt lơgar. Bè lùp sền, sền sơ wì broă lơh sền pơrlòng tàm ală càr, ƀòn dờng, Ƀộ Giáo zụk mờ Đào tạo lơh 63 mpồl sền sơ wì tus 63 Sở Giáo zụk mờ Đào tạo (ờ kờp ală mpồl bơh Mpồl đơng lam kâp dà lơgar dê).

Jat ồng Nguyễn Đức Cường, Kwang atbồ mpồl Lùp sền Ƀộ Giáo zụk mờ Đào tạo pà git, khà kwang bàng êt ngan rlau jơh lơh kơnòm sền sơ wì tơn tàm tơngai sền pơrlòng tàm dùl anih pơrlòng nam do geh bơta tam gơl jat gùng dà tơrmù dipal mờ bơta geh ngan. Nàng gàr niam broă lơh lùp sền, sền sơ wì geh lam lơh di jơnau sồr, Ƀộ Giáo zụk mờ Đào tạo bơyai lơh ală dơ̆ pơrjum bơto pơlam ai ală kwang bàng tờm ngan gơ wèt ală hìu bơsram đại họk, Sở Giáo zụk mờ Đào tạo bè broă lơh sền pơrlòng, ai điểm pơrlòng, tơnơ̆ hơ̆ mpồl do rơp là mpồl tờm ngan nàng bơyai lơh ală pơrjum bơto pơlam tàm kâp hơ đơm.