Tàm drim do, ală kwang bàng Quốk hội cri bơyai tàm hìu pơrjum dờng bè cồng nha jăt sền broă bơsong ală jơnau đơs, jơnau dan bơh cau tĕ khà dê pơyoa tus mờ Pơrjum dơ̆ 5, Quốk hội khoă 15. Jơnau yal cồng nha jăt sền broă bơsong jơnau đơs, jơnau dan bơh cau tĕ khà pơyoa tus Pơrjum dơ̆ 5, Quốk hội khoă 15, Kwang atbồ Gah làng bol kơ̆p kờñ gơwèt Ủy ƀan Thường vụ Quốk hội Dương Thanh Bình pà git, tus tŭ do, 2 rơbô 751 jơnau đơs, jơnau dan neh geh bơsong, hơ cau tĕ khà in, geh 99%.

Cau tĕ khà đơs niam tàm tơngai do, broă lơh bơh Quốk neh geh uă tam gơl pa, niam, geh cồng nha, ai tơngŏ Quốk hội lơh broă ngai sơlơ đềt mềr mờ làng bol. Jơnau kờñ geh ai gơwèt mờ Quốk hội là pơn jăt tai tơnguh rơlao tai bơta niam broă jăt sền bơh tơlik sră nggal adăt boh lam; ală Mpồl kwang bàng Quốk hội tơnguh uă bơta niam tơrgùm bal, geh tam pơn drờm bal, bơsong jơnau dan, jơnau đơs bơh cau tĕ khà dê.