Tàm dơ̆ cri bơyai, Ƀộ trưởng Ƀộ Giao thông Vận tải ồng Nguyễn Văn Thắng pà git, bè bơta tờm gơlik geh lơyài tàm broă lơh, bơdìh mờ ală jơnau ờ gơtùi gĭt lài bè anih lơh broă đơng lam yal, Jơnau yal bơh Cíñ phủ dê kung đơs loh jơnau gơtùi rơcăng lài là tài cau lơh broă tờm bơh Ủy ƀan Ñân zân càr Đồng Nai tàm tơngai lơh jăt rơndăp broă geh uă tam gơl.

Jăt ală kwang bàng đơs, mùl màl broă lơh rơndăp broă lơh ƀlàng rơndeh par Long Thành gam lơyài ngan mờ tìp uă kal ke. Kwang bàng đơs là geh uă bơta lơh gơbàn tus mờ bơta do, Cíñ phủ, càr Đồng Nai pal mblàng nàng geh tai ală jơnau bơsram broă mờng chài mờ tơnơ̆ do tŭ lơh ală rơndăp broă lơh ndrờm bal geh broă lơh di pal. Bơdìh hơ̆ tai, broă lơh jăt rơndăp broă bơto broă lơh, ai broă lơh mờ bơyai lơh wơl rài kis ai làng bol in geh lơh lơyài ngan, tàm tŭ do là tơngu me kwơ màng bơh rơndăp broă lơh dê. Kwang bàng hòi jà pal kơlôi sơnơng, sền wơl nền nòn mờ geh broă lơh mùl màl ai broă do in.