Jăt tàm bơta iăt kơno, mblàng yal lơh loh jơnau đơs tă pơgồp bơh kwang bàng Quôk hội dê tàm pơrjum dơ̆ puan mờ bơh ai jơnau đơs tă pơgồp bơh Làng bol dê, jơnau rơcăng cih Adat yal tàm pơrjum dơ̆ do geh đơs là neh tam gơl jơh bè tơngume.

Bulah bè hơ̆, kung gam geh sơl jơnau đơs kơlôi rơcăng gơwèt mờ jơnau cih bè “Gùng dà gĭt nền giă ù jăt bơta pal jăt drà kă bro” mờ broă tơm wơl, dong kờl, ntrờñ ơm kis pa tŭ Dà lơgar ai wơl ù. Uă kwang bàng đơs là, broă gĭt nền giă ù gam uă bơta ờ hềt dipal, gơkòl, kal ke mờ ờ hềt di. Broă lơh nền giă ù gam gơcèng bơta sền swì jăt bơta gơ tam gơl, ờ gŏ loh làng geh giă ù jăt bơta ù. Bal dùl bơta ù, bơta phan bơna lơh sa mpồl bơtiàn ndrờm gơ̆p bal mờ digơlan geh wơl tai giă krơi is. Ală kwang bàng đơs là, jơnau rơcăng cih Adat ờ hềt geh cih jơnau gơtha gĭt nền hoàc hươr tŭ dà lơgar ai wơl ù; jơnau gơtha tơm priă ai ù ờ hềt dipal, mìng cih tơm wơl bè ù, ờ gŏ cih tơm wơl hoàc hươr bè jơtài ndai.