Ngai do 24/11, Quôk hội rơ̆p pờ tê ring bal Adat Viễn thông tam gơl mờ cribơyai tàm hìu pơrjum bè rơndăp broă lơh Adat Gùng ù gờl. Ƀùi mho, Quôk hội pờ tê ring bal Adat Ătbồ, sền gàr broă bơ̆t bơtàu sền gàr dà lơgar mờ tiah broă ling klàng, tơnơ̆ hơ̆ rơ̆p cribơyai tàm hìu pơrjum bè rơndăp broă lơh Adat Rơndăp tăp sèng, lơngăp lơngai lòt rê tàm gùng ù gờl.

Mho ngai 23/11, cribơyai tàm hìu pơrjum bè bàr pe tơngume gam geh jơnau đơs krơi is bơh jơnau rơcăng cih adat Ală mpồl ai càn priă (tam gơl), uă kwang bàng đơs là, do là rơndăp broă lơh Adat kal ke, kal ke ngan, geh bơta mhar gơrềng, gơrềng tus lơngăp lơngai priă jền dà lơgar, lơngăp lơngai niam bơh ală mpồl ai càn priă dê, gơrềng jrô ơnàng làm uă tus broă lơh lơh sa- mpồl bơtiàn. Jơnau rơcăng cih Adat dơ̆ do ờ hềt ai geh ală jơnau sồr nàng bơsong jơh broă ai càn priă sa priă cồng uă; ală broă lơh mpờl gŏ ngan ngồn rơ̆p ờ gơtùi kơryan geh ală broă lơh ờ gŏ bàn bơh jơnau geh ngui tàm sơrlơ̆u, ătbồ đơng lam tàm ală ngân hàng.