Ƀùi drim, Quôk hội cribơyai tàm hìu pơrjum bè bàr pe tơngume gam geh jơnau đơs krơi is bơh Jơnau rơcăng cih Adat mpồl tus bal sền gàr lơngăp lơngai, rơndăp tăp sèng tàm ƀòn lơgar. Ƀùi mho, Quôk hội cribơyai tàm mpồl 2 broă: Tam gơl bàr pe tơngume bơh Kơrnoăt sồ 53 bơh Quôk hội bè Jơnau yal kơlôi sơnơng gơtùi lơh jăt ngan ngồn Rơndăp broă lơh ai wơl ù, tơm wơl, dong kờl, ntrờn ơm kis pa Ƀlàng rơndeh par dunia Long Thành; Kơrnoăt lơh tơrlòng lài bàr pe gùng dà broă lơh dong kờl krơi is bè bơcri priă lơh broă lơh gùng ù gờl.

Rơndăp broă lơh Adăt Mpồl tus bal sền gàr lơngăp lơngai, rơndăp tăp sèng tàm ƀòn lơgar neh geh sền tàm Quôk hội mờ dan ai jơnau đơs tàm pơrjum dơ̆ 05 bal mờ uă ngan ală jơnau đơs dùl nùs bal, ring bal bè bơta kờñ ngan pal ai lơh jăt Adat. Rơndăp broă lơh Adăt neh geh anih lơh broă đơng lam cih tam gơl mờ lơh sir bal mờ ală tơngume dipal mờ jơnau sồr tàm rài kis mùl màl.