Uă kwang bàng ring bal mờ jơnau yal bơh Cíñ phủ dê bè cồng nha nam 2023 mờ kờp dŭ lài broă rơndăp lơh bơtàu tơnguh lơh sa, mpồl bơtiàn tàm ală nam tus; đơs sùm tàm bơta kal ke bal bơh rài lơh sa gùt plai ù dê, mơya Cíñ phủ neh geh ală jơnau đơng lam kràñ cê jơh nùs ngan mờ cồng nha lơh geh bơtàu tơnguh niam ngan.

Jờng rơ uă ngan cồng nha neh lơh geh, uă kwang bàng đơs là nàng lơh geh jơnau kờñ gơguh lơh sa mờr tus, Cíñ phủ, ală Ƀộ, ngàñ pal pơn jat tai lơh mhar ngan tàm broă ai priă bơcri dà lơgar dê, lơh niam wơl tiah kă bro mờ dong kờl geh ngan ai mpồl lơh sa kă bro in bơtàu tơnguh wơl tơnơ̆ kòp Kovid-19. Uă kwang bàng kung sồr pal sền gròi rlau tai tus ală broă mpồl bơtiàn, rcang tam dră mờ cau lơh tìs, ngan là cau lơh tìs pa. Tàm dơ̆ cribơyai, bàr pe nă kwang bàng sồr lơh loh bơta lơi nàng dan ai 350 rơbô tơmàn đong nàng bơtàu tơnguh wơl bơta niam chài; mơkung sồr pal lơh loh làng jơnau kờñ mờ broă lơh, jơnau kờñ bơh broă lơh do dê, bơh hơ̆ hơ̆ sồng sền gĭt ală priă jền di pal.