Pơn jat tai broă lơh lơh broă tàm pơrjum dơ̆ 5, Quôk hội lời jơh tŭ tơngai tàm ngai 29/05, nàng jat sền dờng ngan rlau jơh bè broă hòi jà tă pơgồp, atbồ mờ ngui ală priă drơng broă lơh rcang sơndră kòp Kovid-19; broă lơh jat broă lơh adat boh lam bè gah lơh sơnơm ƀòn lơgar, gah lơh sơnơm kờp dŭ lài.

Yal jơnau yal tềng đap Quôk hội, Củ ñiệm Ủy ban Xã hội bơh Quôk hội, Phó Kwang atbồ Mpồl jat sền bơh Quôk hội dê Nguyễn Thúy Anh pà gĭt, tus nhai 4 nam 2023, Mpồl jat sền neh dờp geh ală jơnau yal mờ 15 rơbô 659 pang sră nggal. Mpồl jat sền pà gĭt, bè broă hòi jà tă pơgồp priă jền sơndră kòp, Cíñ phủ tơrgùm kờp jơh khà priă drơng broă lơh rcang sơndră kòp Kovid-19 tơn mờ lơh jat broă lơh gàr niam rài kis mpồl bơtiàn hòi jà tă pơgồp bal tàm tơngai bơh nam 2020-2022 geh pơgap 230 rơbô tơmàn đong, tàm hơ̆ hòi jà tă pơgồp bal bơh kes priă dà lơgar dê là 186 rơbô tơmàn đong, gam wơl bơh ală gah ndai. Geh gơrềng tus dơ̆ broă blơi ală phan xét nghiệm bơh Kông ty cổ phần Việt Á dê, Mpồl jat sền pà gĭt tus bồ nhai 05, jat jơnau yal bơh Ƀộ Kwang àng dê, ală anih lơh broă lùp khàu neh yă 30 dơ̆ broă, 107 nă cau lơh tìs.