Ƀùi drim, Quôk hội lam lơh pơrjum rơcang lài, iat ală tơngume: Kwang geh jơng tàm Ủy ƀan Thường vụ Quôk hội, Kwang gơnoar cih Quôk hội- Kwang atbồ Cơldŭ lơh broă Quôk hội Bùi Văn Cường yal broă cih dờp, mblàng lơh loh bơsong jơnau kờp dŭ tơngume dơ̆ pơrjum. Tơnơ̆ hơ̆, Quôk hội cribơyai mờ pờ tê ring bal  tơngume dơ̆ pơrjum. Pơn jat hơ̆, Kwang geh jơng tàm Ủy ƀan Thường vụ Quôk hội, Kwang atbồ Mpồl lơh broă Kwang bàng gơ wèt Ủy ƀan Thường vụ Quôk hội Nguyễn Thị Thanh yal jơnau yal bơh Ủy ƀan Thường vụ Quôk hội dê bè broă tơn jơh ai lơh kơnòl broă kwang bàng Quôk hội khoă XV gơ wèt mờ ồng Nguyễn Văn Thạnh, gơ wèt Mpồl kwang bàng Quôk hội càr An Giang.

Geh 4 tơngume jal mhar geh Quôk hội sền sơ wì tàm pơrjum do, geh: Jơnau rơcang cih Adat Ù tiah (tam gơl), Jơnau rơcang cih Adat ală Mpồl ai càn priă (tam gơl), Jơnau rơcang cih Nghị quyết bè 2, 3 gùng dà broă lơh, broă dong kờl krơi is nàng tă bơsong kal ke, kòl yan, tơnguh mhar tơngai lam lơh ală Broă lơh jơnau kờñ dà lơgar. Mờ dut ndơl là Broă rơndap lơh bơcri priă dà lơgar di mơ tơngai kes priă dà lơgar tơngai bơh nam 2021 tus nam 2025 bơh bơnah priă rơcang lài bal ndrờm mờ bơnah priă gơguh dồs priă dia dà lơgar nam 2022 ai ală kơnòl broă, rơndap broă lơh bơcri priă dà lơgar mờ bơ tơl Broă rơndap lơh bơcri priă dà lơgar di mơ tơngai ai Tập đoàn ồs đèng Việt Nam in bơh priă rơcang lài bơh Broă rơndap lơh bơcri priă dà lơgar di mơ tơngai dê.