Ngai 27/11, bơh bơta đơng lam bơh Củ tịc Quôk hội Vương Đình Huệ, Quôk hội lơh dơ̆ cribơyai tàm hìu pơrjum bè rơndăp broă lơh Adat càr lơgar (tam gơl) mờ ală jơnau yal bơh Cíñ phủ dê, bè: sền wơl lơh tơrlòng lài lam lơh broă lơh gơnoar atbồ tiah drà tàm ƀòn dờng Hà Nội, ƀòn dờng Đà Nẵng mờ cồng nha 03 nam lơh jat rơndăp broă lơh gơnoar atbồ tiah drà tàm ƀòn dờng Hồ Chí Minh.

 Uă ngan kwang bàng ring bal tam gơl Adat càr lơgar nàng lơh gơ gơs adat boh lam  Nghị quyết sồ 15 bơh Ƀộ Cíñ trị dê bè gùng dà broă lơh, kơnòl broă bơtàu tơnguh càr lơgar Hà Nội tus nam 2030, bơta rơndăp lơh tus nam 2045. Ală kwang bàng đơs là, jơnau rcang cih Adat càr lơgar (tam gơl) geh tam gơl pa uă tơl làm đau, tơrgùm ală bơta gơ lơh bè jơh ală gah, ờ mìng gùng dà broă lơh, broă dong kờl krơi is tàm bàr pe gah, bè jơnau cih bè lam lơh lơh gơnoar atbồ, broă tam pà gơnoar ai gơnoar atbồ ală tiah tàm ù tiah càr lơgar dê, kung bè broă lơh bal, bơtàu tơnguh tiah càr lơgar.