Bàr pe tơngume tờm bơh dơ̆ lùp mờ hơ jơnau lùp dê, geh: Broă lơh lơh sir ală rơndap tap sèng phan bơna gùng lòt, tơrmù rềs àr gùng lòt tàm gùt lơgar; kơnòl atbồ dà lơgar tàm broă lơh sền sơ wì; atbồ broă lơh pơndiang phan, bơta niam rơndeh rơndồ; broă lơh bơto bơtê, pơrlòng.

Mờ nùs nhơm sùm iat kơno, geh kơnòl, Ƀộ trưởng Ƀộ Giao thông Vận tải ồng Nguyễn Văn Thắng sùm iat, cih dờp tơl làm ală jơnau đơs mờ bơta pơn đơl pràn lam lơh geh cồng nha gùng dà, broă rơndap lơh bơh Đảng, dà lơgar dê tàm bơtàu tơnguh rơndap tap sèng, phan bơna gùng lòt, nàng kờñ di tŭ lơh gơs ală broă lơh gùng lòt kuơmàng pa, lơngăp lơngai drơng làng bol in. Bulah bè hơ̆, gah do gam geh ală bơta ờ niam pal kràñ cê bơsong bè rềs àr gùng lòt, broă lơh tìs tàm gah sền sơ wì bơta kơnhăp rơndeh rơndồ, bơto bơtê pơrlòng sră măi rơndeh, lơh, atbồ, ai wơl sră măi rơndeh… Ƀộ trưởng pà git, ală jơnau đơs tă pơgồp bơh kwang bang Quôk hội dê là bơta gơn kơnờm nàng Ƀộ pơn đơl pràn lơh gơs niam kơnòl broă dờng màng geh Đảng, dà lơgar, làng bol jàu.