Hơ̆ là, Adat Ù tiah (tam gơl), Adat Ală Mpồl ai càn priă (tam gơl) mờ 3 Nghị quyết kuơmàng, tàm hơ̆ geh Nghị quyết bè 2, 3 gùng dà broă lơh, broă dong kờl krơi is nàng tă bơsong kal ke, kòl yan, sơlơ tơnguh mhar tơngai lam lơh ală broă lơh jơnau kờñ dà lơgar mờ Nghị quyết bè Pơrjum dơ̆ 5, Quôk hội khoă XV.

Ngai 17/01, Ủy ƀan Thường vụ Quôk hội neh cih dờp, bơsong jơnau rơcang cih Nghị quyết bè 2, 3 gùng dà broă lơh, broă dong kờl krơi is nàng tă bơsong kal ke, kòl yan, sơlơ tơnguh mhar tơngai lam lơh ală broă lơh jơnau kờñ dà lơgar. Gơ wèt mờ gùng dà broă lơh lam lơh tơrlòng lài tam pà kâp ai kâp kơnhoàl in, Ủy ƀan Thuờng vụ Quôk hội ring bal rơ wah broă lơh sồ 2 nàng cih tàm Nghị quyết. Bulah bè hơ̆, broă rơ wah kơnhoàl nàng lam lơh tơrlòng lài pal jàu Hội đồng Ñân zân kâp càr in lơh nền, jat tàm bơta geh ngan bơh ƀòn lơgar dê nàng rơ wah ờ rlau 2 kơnhoàl tàm tơl càr nàng lam lơh tơrlòng lài.