Lài mờ tŭ tơn jơh, Quốk hội ring bal 4 Nghị quyết kwơ màng, tàm hơ̆ geh Nghị quyết bè lùp mờ hơ jơnau lùp mờ Nghị quyết Pơrjum dơ̆ 6, Quốk hội khoă XV.

Tàm mho òr, cri bơyai tàm hìu pơrjum dờng bè rơndăp broă lơh Adăt lơh sa mờ măi mŏk sền gàr dà lơgar, bơta lơngăp lơngai mờ hòi jà pơn jờng lơh sa mờ măi mŏk, ală kwang bàng hòi jà: bơ̆t bơtàu mờ bơtàu tơnguh lơh sa mờ măi mŏk sền gàr dà lơgar, bơta lơngăp lơngai mờ hòi jà pơnjờng lơh sa mờ măi mŏk jăt gùng dà: pơđơk pràn is, kơnờm tàm bơta pràn is, gơdờp bal, lơh pa, pơgồp bal nền nòn mờ broă lơh sa mờ măi mŏk bơh rài kis lơh broă sa làng bol dê, gơs bơta tờm bơh broă lơh sa mờ măi mŏk dà lơgar dê. Kung tàm mho òr, Quốk hội neh ring bal Nghị quyết tơrlòng lơh ờ uă gùng dà, broă dong kờl krơi is bè broă bơcri priă lơh ală broă lơh gùng lòt tàm ù gờl mờ Adăt Mpồl tus bal sền gàr lơngăp lơngai tàm ƀòn lơgar.