Đơs sơnđờm mut lơh dơ̆ lùp mờ hơ jơnau lùp, Củ tịc Quôk hội ồng Vương Đình Huệ đơs loh: bơh broă lơh jat sền do, Quôk hội rơ̆p gĭt geh ală bơta, tŭ tơngai mờ cồng nha lơh jat ală Nghị quyết bơh Quôk hội dê, broă lơh jat ală “jơnau hơ”, jơnau pơr gon bơh Cíñ phủ, ală Ƀộ trưởng, Kwang atbồ gah lơh broă dê.

Broă jat sền wơl, sền gròi jat sền ală broă tơnơ̆ jat sền, jat sền tus lồi dŭt ală broă neh jat sền, lùp mờ hơ jơnau lùp nàng kờñ dong Cíñ phủ, ală Ƀộ trưởng, kwang atbồ gah lơh broă geh tŭ tơngai niam yal mờ Quôk hội, cau tĕ khà mờ làng bol in bè ală broă he neh lơh, yờ tơnguh uă nùs nhơm geh kơnòl, bơsong di nùs di tồr ngan, tus nggu ryah tờm ală broă mờ Quôk hội neh ai. Củ tịc Quôk hội sồr ală Kwang bàng Quôk hội lơh jat niam nùs nhơm bơt bơtàu, geh kơnòl, lơh loh tus lồi dŭt broă lơh jat jơnau đơs jơnau dan bè ală broă neh geh jat sền, lùp mờ hơ jơnau lùp.