Do là ală hìu geh Tổng Kông ty Ồs đèng tiah tàm gùl lơgar (EVNCPC) dong kờl priă jền lơh tàm nam 2023. Jat hơ̆, tơl nơm hìu geh Gah Ồs đèng dong kờl 60 tơlak đong, gơnoar atbồ ală tiah bal mờ hìu bơnhă, làng bol ƀòn lơgar pơgồp bal ngai lơh broă, phan bơna nàng lơh hìu ơm dờng niam.

Bal mờ broă dong kờl hìu ơm, Ồs đèng Dăk Lăk gam jàu pà tơl hìu bơnhă in 1 nơm tivi bal mờ bàr pe phan bơna ồs đèng drơng broă ngui tàm rài kis pah ngai.

Geh gĭt bal mờ càr Dăk Lăk tàm nam 2023, Tổng Kông ty Ồs đèng tiah tàm gùl lơgar neh dong kờl 70 nơm hìu bơta nđàc pà ai ală hìu bơnhă rƀah, hìu bơnhă geh dà kơl hề mờ Dà lơgar tàm ù tiah 13 càr tiah tàm gùl lơgar mờ Tây Nguyên in, mờ kờp jơh khà priă rlau 4 tơmàn 200 tơlak đong. Ală hìu ơm pa neh dong ală hìu bơnhă in kơ̆ kơl jăp tiah ơm kis, geh tai ală bơta nàng brồ guh sơr lèt gan ală bơta.