Hiệp địñ ring bal rơ̆p pơgồp bơnah lơh mờ măy mok cơng tàng adat boh lam ai lơh broă bal dong kờl sền gàr adat boh lam bè drơng broă làng bol đah ală anih lơh broă geh gơnap gơnoar bơh lơgar Việt Nam mờ Lào dê. Mơkung bơtơl ală jơnau cih cơng tàng gàr adat boh lam nàng bal mờ gơ̆p lơh jat niam broă lơh dong kờl sền gàr adat boh lam, pơgồp bơnah sơlơ tơnguh bơta gĭt gơ̆p niam bơnĕ đah 2 lơgar dê.

Broă ring bal Hiệp địñ nàng kờñ lơh jat ngan ngồn gùng dà broă lơh bơh Đảng, Dà lơgar he dê bè sơlơ tơnguh lơh broă bal dunia tàm gah broă adat boh lam, sền gàr adat boh lam mờ lơh sir broă lơh adat boh lam bè sền gàr, dong kờl; sền gàr gơnoar, bơta kwơ di mờ adat boh lam, di pal bơh làng bol, gơnoar làng bol Việt Nam kis tàm lơgar ndai... jat nùs nhơm tàm Nghị quyết 27 bơh Ƀan Cấp hàñ Dà lơgar dê bè pơn jat tai bơt bơtàu mờ lơh sir Dà lơgar gơnoar adat boh lam xã hội củ nghĩa Việt Nam tàm tơngai pa.