VOV4.K’ho- Drim ngai 06/07, mờ 100% kwang bàng geh mat ring bal, Ủy ƀan Thường vụ Quôk hội neh ring bal Kơrnoăt bè khà dia sền gàr tiah ơm kis gơwèt mờ xăng, zờu, tơngi lơiang.

Ủy ƀan Thường vụ Quôk hội tam gơl khà dia sền gàr tiah ơm kis gơwèt mờ mpồl xăng, zờu, tơngi lơiang gơmù tus khà lơyah ngan rlau jơh tàm khà dia tus jơh ngai 31 nhai 12 nam 2022 bè tơnơ̆ do: xăng (ờ kờp etanol) gơmù bơh 2 rbô đong dùl lĭt gơmù tus khà lơyah ngan rlau jơh 1 rbô đong dùl lĭt; ñiên liệu par gơmù bơh 1 rbô 500 đong dùl lĭt gơmù tus khà lơyah ngan rlau jơh 1 rbô đong dùl lĭt; zờu diesel gơmù bơh 1 rbô đong dùl lĭt gơmù tus khà lơyah ngan rlau jơh 500 đong dùl lĭt; zờu mazut mờ zờu tơngi gơmù bơh 1 rbô đong dùl lĭt gơmù tus khà lơyah ngan rlau jơh 300 đong dùl lĭt; tơngi lơiang gơmù bơh 1 rbô đong dùl kĭ gơmù tus khà 300 đong dùl kĭ; dà ồs gàr khà 300 đong dùl lĭt tài bơh do là khà lơyah ngan rlau jơh tàm khà dia. Ủy ƀan Thường vụ Quôk hội ring bal tơngai lơh jăt bơh Kơrnoăt dê là bơh ngai 11/07 nam 2022 do.

Cau mblàng Lơ Mu K’Yến