Ƀùi pơrlòng bơh sơnrờp geh lơh niam lơngăp lơngai, ờ geh kơnòm pơrlòng lơi lơh tìs kơrnoăt pơrlòng. Jơh ală kơnòm pơrlòng lòt pơrlòng đơs, rơndăp jơnau ai pơrlòng môn ngữ văn kung gam bè ală nam sơl mờ ndrờm mờ ală jơnau ai pơrlòng lơh tơrlòng lài mờ kơnòm bơsram neh geh lơh tàm tơngai pa do. Ală kơnòm pơrlòng tơlik nùs nhơm chờ hờp tŭ môn ngữ văn đơs tus broă “lơh niam nùs nhơm”. Do ờ mìng là tơngume geh jơnau gơlik geh pah ngai lơm mờ gam dipal ngan tai mờ sơnam bơh ală oh dê, bơh hơ̆ dong kơnòm pơrlòng geh ală jơnau đơs, jơnau kơlôi sơnơng krơi is.

Jăt jơnau yal mhar bơh Sở Giáo zụk mờ Đào tạo càr Gia Lai dê, tàm ƀùi pơrlòng bơh sơnrờp bơh dơ̆ pơrlòng jơh bơsram kâp pe nam 2023, tàm môn ngữ văn, jơh gùt càr ờ geh mat 54 nă kơnòm pơrlòng. Mùl màl, khà kơnòm pơrlòng lơh sră cih mat lòt pơrlòng môn ngữ văn là 14 rbô 696 nă; khà kơnòm pơrlòng lòt pơrlòng là 14 rbô 642 nă, ờ geh mat 54 nă, tàm hơ̆ geh 18 nă kơnòm pơrlòng là kòn cau dùl êt nă cau.