Mpồl dong kờl bơto pơlam lơh broă sa mpồl bơtiàn gam lòt bal mờ cau lơh broă sa tàm tơrbŏ bal lơh sa mờ drà kă bro mờ mpồl lơh sa kă bro. Do là cồng nha geh Ƀộ Broă lơh sa mờ Bơtàu tơnguh Ƀòn lơgar đơs tàm “Pơrjum sền wơl 2 nam lam lơh Jơnau neh lơh nền tơnguh uă cồng nha broă lơh lơh broă dong kờl bơto pơlam lơh broă sa tàm  ƀòn lơgar pồ tơl broă lơh mpồl dong kờl  bơto pơlam lơh broă sa mpồl bơtiàn” geh bơyai lơh ngai 2 nhai 08 tàm ƀòn dờng Pleiku, càr Gia Lai.

2 nam do, tàm 5 rơbô mpồl dong kờl bơto pơlam lơh broă sa mpồl bơtiàn neh pơgồp bal mờ lam lơh gĭt nđờ rơhiang ơdŭ bơto pơlam tam uă tiah tam phan, pơgồp bal mờ lơh jat 14 rơndăp broă lơh dong kờl bơto pơlam lơh broă sa. Bơh hơ̆, dong tam uă tiah tam phan gàr niam bơta niam tăc phan mờ lơgar ndai ai 500 lồ kòi, 300 lồ tờm chi sa plai, 150 lồ kơphê tàm uă càr, ƀòn dờng.  Kung tàm 2 nam do, mpồl dong kờl bơto pơlam lơh broă sa mpồl bơtiàn neh bơyai lơh 46 dơ̆ lơh bal tăc bro phan bơna ai 2 rơbô 100 nă cau lơh broă sa tiah tam kòi; dong kờl lơh bal lơh sa, tăc bro phan lơh geh bơh suơn sre tàm ală càr tiah tàm gùl lơgar.