Tàm dơ̆ lơh broă, ală kwang bàng đơs nền bơta kuơmàng bơh broă bơyai lơh pơrjum dê. Do là dơ̆ 2 pơrjum gùt lơgar bè broă lơh jat sền bơh Quôk hội mờ Ủy ƀan Thường vụ Quôk hội dê geh bơyai lơh, ai gŏ bơta niam tàm broă lơh lam lơh broă lơh jat sền bơh Quôk hội dê mờ cèng wơl ală cồng nha ngan ngồn, pơgồp bơnah tơnguh bơta niam, cồng nha jat sền bơh Quôk hội dê. Đơs tàm dơ̆ pơrjum, Củ tịc Quôk hội ồng Vương Đình Huệ sồr Kwang gơnoar cih Quôk hội, Kwang atbồ Cơldŭ lơh broă Quôk hội cih dờp wil tơl ală jơnau đơs, rơcang lài nền nòn, jơh nùs, wil tơl broă bơyai lơh pơrjum. Củ tịc Quôk hội ồng Vương Đình Huệ đơs tai, pơrjum pal geh bơnah sền wơl cồng nha lam lơh broă lơh jat sền nam 2023, bơh hơ̆ ai geh mờng chài nàng lam lơh geh cồng nha rlau tàm nam 2024.