25 nam do Broă rơndăp lơh Ơruh pơnu lơh broă dong kờl is kàl rlô bơkang geh rơnàng kơnòm să càr Kon Tum lơh pa bơh pah nam, jơh bal bè tơnggume mờ gùng dà lam lơh. Cồng nha pơnrơ ngan dờp lơh 875 broă bơ̆t bơtàu, bơnah broă ơruh pơnu bal mờ kờp jơh priă là 10 tơmàn đong; dong kờl lơh niam wơl, lơh bơkah wơl rlau 700 kơi sồ gùng ƀòn lơgar; lơh mờ lơh niam wơl rlau 80 nơm hìu ai làng bol geh rài kis kal ke in; còp rwàng mờ pà rlau 20 rbô bơnah phan pà ai hìu bơnhă geh dờp bơta dong kờl bơh mpồl bơtiàn dê, cau geh màng mờ dà lơgar.

Di dơ̆ do, 12 nă cau pơnrơ ngan srơh Ơruh pơnu lơh broă dong kờl is kàl rlô bơkang càr Kon Tum dê chờ hờp dờp rò Gai lòng kir sơnrai “Tài rơnàng kơnòm să” bơh Đoàn Dà lơgar dê; Anih duh broă Làng bol càr Kon Tum pà sră jờng rơ 7 mpồl cau mờ cau dồ nă să is in; Tỉñ đoàn càr Kon Tum pà kơnhoàl tiah nhàr lơgar Sa Thầy mờ Ngọc Hồi in 2 broă bơ̆t bơtàu ơruh pơnu “Sòl àng gùng ƀòn” mờ kờp jơh priă 225 tơlak đong.