VOV4.K’ho- Lơh jat rơndap broă lơh “Tam dùl tơmàn tờm chi tơngai bơh nam 2021-2025” bơh Thủ tướng Cíñ phủ dê, drim ngai 04/07, tàm gơl gùng pleh Koèl kơh Măng Đen tàm gùng dờng 24, gơl gơwèt thị trấn Măng Đen, kơnhoàl Kon Plông, Ƀan Thường vụ Tỉñ đoàn Kon Tum bơyai lơh ai cau tam tờm chi 2 gah gùng lơh geh ù tiah niam mờ sền gàr tiah ơm kis.

Ƀí thư Tỉñ ủy, Củ tịc Hội đồng Ñân zân càr Kon Tum tus bal tam tờm chi bal mờ đoàn viên ơruh pơnu

Tàm ƀùi drim tơn, rlau 300 nă kwang bàng, đoàn viên, ơruh pơnu bal mờ làng bol 2 kơnhoàl Kon Rẫy mờ Kon Plông, càr Kon Tum neh tam gĭt nđờ rơbô tờm nho 3 nha jat kềng 2 gah gùng pleh Koèl kơh Măng Đen. Mờ jơnau đơs tơl kấp ƀộ đoàn dùl broă lơh tam tờm chi, bơh nam 2020 tus tŭ do mìng is tàm gơl gùng pleh Koèl kơh Măng Đen, Ƀan Thường vụ Tỉñ đoàn Kon Tum neh pơgồp bal mờ ală mpồl lơh broă geh gơnoar bơyai lơh 3 dơ̆ ai cau lòt tam tờm chi, tam geh mờr 20 rơbô tờm chi nho 3 nha lơh geh ù tiah niam mờ sền gàr tiah ơm kis.

Cau mblàng K’Hạnh