Jat rơndăp ù tiah, tus nam 2050, càr Dăk Lăk gơ gơs là càr geh ù tiah ƀòn brê bơnơm, bơhiàn niam chài, tàm tơrbŏ bal, bơceh lơh, là tiah tus gơ kờñ ngan, pal kis ngan. Tus nam 2030, càr Dăk Lăk gơ gơs tiah tus niam ngan,  gơ hòi gơ jà năc lòt nhơl tàm lơgar mờ dunia; ƀòn dờng Buôn Ma Thuột là dùl gah bơtàu tơnguh bơh tiah Tây Nguyên dê, mut gơ rờm bal mờ lơh bal jat gùng dà pờ mờ tiah do mờ tàm dunia.

Đơs đơng lam tàm pơrjum, Phó Thủ tướng Trần Hồng  Hà đơs, càr Dăk Lăk geh tiah kwơ màng, geh uă bơta ƀuơn bơta pràn, geh bơhiàn niam chài li la uă. Rơndăp ù tiah càr Dăk Lăk là dùl broă lơh lơh gơs ngan ngồn gùng dà broă lơh dờng bơh Ƀộ Cíñ trị dê tàm Nghị quyết sồ 23 bè gùng dà broă lơh bơtàu tơnguh lơh sa- mpồl bơtiàn mờ gàr niam sền gàr Dà lơgar, lơngăp lơngai tàm tiah Tây Nguyên tus nam 2030, broă rơndăp lơh tus nam 2045.