5 nam do, srơh tàm pơrlòng bơt bơtàu “Mpồl sơnơm ling klàng 5 niam” neh dờng pràn gơ gơs srơh cèng bơta ling klàng làng bol, jrô ơnàng làm uă tàm jơh gùt mpồl ling klàng. Kấp ủy, đơng lam ală kấp ngai sơlơ sền gròi rlau tai gơwèt mờ ală broă lơh sền gròi, sền gàr pràn kơl dang să jan mpồl ling mờ làng bol in. Uă nam sùm, khà mpồl ling pràn kơl dang tàm jơh gùt mpồl ling gàr kơ̆ rlau 98%. Bơta gĭt wă lơh broă mờng chài bơta chài ngui măi mok mờ nùs nhơm niam bơh kwang bàng, cau lơh broă, cau ling gah ling klàng lơh sơnơm dê geh tơnguh loh làng, di pal mờ jơnau sồr bơt bơtàu gah ling klàng lơh sơnơm pràn bè mpồl, jak bè broă lơh mờng chài lơh broă, nùs nhơm kơ̆ dơn bè cíñ trị bồ tơngoh, nùs nhơm lơh broă; di pal niam ngan kơnòl broă cíñ trị geh jàu.

Mpồl ling klàng lơh sơnơm gam tus bal geh cồng nha ngan tàm broă lơh sền gàr ring lơngai Liên hợp quôk. Bơh ală cồng nha neh lơh geh, Đại tướng ồng Phan Văn Giang, Ƀộ trưởng Bộ Quôk phòng sồr, tàm tơngai tus, ală mpồl lơh broă, mpồl ling gùt mpồl ling mờ gah ling klàng lơh sơnơm pơn jat tai lơh pràn, bơtàu tơnguh srơh tàm pơrlòng, kơlôi sơnơng ală broă pa ai tơlik gơwèt mờ gah ling klàng lơh sơnơm tàm bơta tŭ do, geh rơndap broă lơh gàr tơl niam ling klàng lơh sơnơm di pal tàm tơl ală bơta gơlik geh.