Jat ồng Phạm Đăng Khoa, Kwang atbồ Sở Giáo dục mờ Đào tạo càr Dăk Lăk, tơnơ̆ 10 nam lơh jat, broă lơh sac rơwah kơnòm bơsram mut bơsram ơdŭ 10 neh tơngŏ geh bơta ờ niam mờ ờ gam di pal mờ càr dê tai. Khà kơnòm bơsram gơguh bal jat tơl nam, lơh ală phan bơna, măi mok bơsram mờ mpồl cau pơgru ờ jai lơh jat di tŭ.

Bal mờ hơ̆, lơh jat rơndăp broă lơh bơh Cíñ phủ dê bè “Bơto bơtê wèt tus broă lơh mờ pơlam gùng dà tam pà kơnòm bơsram tàm bơto bơtê pe kấp tơngai bơh nam 2018-2025” rơ̆p geh pơgap 70% kơnòm bơsram jơh bơsram kấp bàr guh bơsram tus kấp pe, khà gam wơl geh ết ngan rlau jơh là 30% kơnòm bơsram pơn jat tai bơsram tàm ală hìu bơsram bơto bơtê broă, bơto bơtê bơta gĭt wă trung kấp, sơ kấp. Mơya, tàm càr Dăk Lăk, tŭ do khà do kung gam jơnhoa ngan (pơgap 90% kơnòm bơsram jơh bơsram kấp bàr guh bơsram tus kấp pe). Den tàng, càr pal kờp tus rơndăp broă pơrlòng sac rơwah kơnòm bơsram mut bơsram ơdŭ 10 kấp pe dà lơgar ala tài bơh sac rơwah kơnòm bơsram jat tàm họk ƀạ bè tŭ do.