Sơlơ tơnguh gơnoar broă cau ùr Tây Nguyên dê tàm ròt ală phan lơh gơs bơh suơn sre
Thứ năm, 09:09, 26/10/2023
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV4.K'Ho - Ngai 25/10, tàm ƀòn dờng Buôn Ma Thuột, càr Dăk Lăk, Vụ Lơh broă bal dunia, Ƀộ Nông nghiệp mờ Phát triển Nông thôn bơyai lơh Pơrjum tam pà mờng chài sơlơ tơnguh gơnoar broă cau ùr tàm 2, 3 ròt mpồl phan lơh gơs bơh suơn sre.
Pơrjum là tŭ nàng tam pà mờng chài, jơnau bơceh pa bơceh lơh nàng kờñ lơh gơlik tŭ niam sơlơ tơnguh bơta tă pơgồp bơh cau ùr dê tàm ròt ală bơta kuơ lơh geh, tơnguh gơnoar broă mờ gơnoar kuơ bơh cau ùr dê tàm gah lơh sa suơn sre mờ 2, 3 ròt bơta kuơ lơh geh phan tờm ngan bơh Việt Nam dê bè kòi phe, bùm tơi, kơphe mờ tiêu.
Tàm pơrjum, ală kwang bàng neh cribơyai bè gơnoar broă bơh cau ùr dê tàm broă tam tiêu kơ̆ kơljap tàm Tây Nguyên, mblàng lơh loh cồng nha 2 jơnau kơlôi sơnơng geh pơn rơ bè lơh gơlik kòi phe gơ dờp mờ tam gơl trồ tiah geh bơta tus bal jơh nùs ngan bơh cau ùr dê. Ala mat cau ùr lơh broă sa càr Dăk Lăk kung tam pà bè mờng chài mờ broă tus bal tàm ală rơndap broă lơh tam kơphe mờ bùm tơi kơ̆ kơljap.
Viết bình luận