Sơlơ tơnguh tai lơh broă bal sền gàr dà lơgar đah lơgar Việt Nam mờ lơgar Cuba
Thứ tư, 07:45, 25/10/2023
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Drim òr (24/10), tàm Hìu lơh broă Ƀộ Quốk phòng, Thượng tướng ồng Nguyễn Tân Cương, Kwang atbồ Mpồl dong broă Ling klàng Làng bol Việt Nam, Thứ trưởng Ƀộ Quốk phòng đơng lam dơ̆ wă rò mờ cri bơyai mùl màl mờ Mpồl kwang bàng đơng lam bồ ală mpồl ling phào crong kăc màng lơgar Cuba geh Thượng tướng ồng Roberto Legrá Sotolongo, Kwang atbồ Mpồl dong broă Ling klàng, Thứ trưởng Ƀộ ală Mpồl ling kăc màng lơgar Cuba tus còp mùl màl lơgar Việt Nam bơh ngai 19 tus 28 nhai 10 nam 2023.
Tàm dơ̆ cri bơyai, bàr gah ring bal đơs lơh broă bal sền gàr dà lơgar đah bàr lơgar geh ală rơnàng Kwang đơng lam bồ lơgar Việt Nam mờ lơgar Cuba sền gròi, gơs dùl tàm ală bơta tờm tàm bơta git gơ̆p bal đah bàr lơgar dê, pơgồp bal kwơ màng tàm broă sền gàr cồng nha kăc màng, di pal mờ jơnau kờñ mờ bơta pràn bơh tơl lơgar dê. Tàm tơngai tus, hòi jà bàr gah tus bal lơh jăt Broă rơndăp lơh Lơh broă bal sền gàr dà lơgar tơngai bơh nam 2023 tus 2025; Lơh jăt cồng nha lơh broă bal sền gàr dà lơgar, di pal mờ jơnau kờñ, bơta pràn bal mờ bơta geh bơh tơl gah dê.
Viết bình luận