Tơngai lài, bulah ală mpồl lơh broă geh gơnoar neh lơh ngan kơryan, mơya khà cau ngui ma tuý ờ gơmù mờ ngai sơlơ gơguh uă bal mờ uă broă gơlik geh kal ke. Jơnau tờm ngan là tài jơnau git wă làng bol dê, ngan là cau kơnòm să bè bơta aniai bơh ma tuý dê ờ hềt tơl làm.

Đơs tàm dơ̆ kĭ hơ, Thứ trưởng Ƀộ Giáo zụk mờ Đào tạo Ngô Thị Minh đơs nền: Broă lơh niam broă lơh mblàng yal,  bơto bơtê bè rơcang sơndră cau tìs, broă lơh tìs tàm mpồl bơtiàn mờ lơh tìs adat boh lam, ngan là broă lơh rơcang sơndră ma tuý tàm hìu bơsram rơp ờ mìng geh gơ rềng niam tus mpồl cau pơgru mờ kơnòm bơsram, cau bơsram dờng mờ gam geh bơta gơ rề uă tus gùt mpồl bơtiàn tai.