Jat broă lơh pơrjum, Thường vụ Quôk hội rơ̆p tă pơgồp jơnau đơs bè bàr pe broă dờng nàng mblàng lơh loh, iăt, kơno, lơh niam wơl, lơh sir ală rơndap broă lơh: Adat tàm pơrlòng giă (tam gơl); Adat Giă (tam gơl); Adat Hợp ták xã (tam gơl); Adat Sền gàr gơnoar kwơ cau ngui sa (tam gơl); Adat rcang gàr drơng broă làng bol; Adat tam gơl, bơtơl bàr pe bơta bơh Adat Kwang àng làng bol; Adat tam gơl, bơtơl bàr pe bơta bơh Adat lik mờ mut tàm lơgar he bơh làng bol Việt Nam dê mờ Adat lik mờ mut tàm lơgar, lòt gan nhàr lơgar bơh làng bol lơgar ndai kis tàm lơgar Việt Nam; Adat  lơh broă điện tử (tam gơl).

Tă pơgồp jơnau đơs bè jơnau rcang cih Nghị quyết bè broă jàu ală bơta mờ khà priă bơcri ai ală kơnòl broă, rơndap broă lơh bơtàu tơnguh wơl mờ bơtàu tơnguh lơh sa- mpồl bơtìan; jàu, tam gơl, bơtơl broă rơndap lơh bơcri priă dà lơgar dimơ tơngai priă kes priă dà lơgar tơngai bơh nam 2021-2025 mờ tam pà broă rơndap lơh bơcri priă dà lơgar nam 2023 bơh broă lơh jơnau kơñ dà lơgar mờ uă tơngume kwơ màng ndai.