Bơh dơ̆ cribơyai, Mpồl bơyai lơh kơ̆p kờñ ală kwang bàng jak chài bal mờ gơ̆p mblàng lơh loh bè bơta geh ngan Dà lềng đah mat tơngai lik mờ tàm tiah do, lơh loh ală jơnau pal jat tam gơl pa bal, sền gĭt ală broă lơh chồl tơnguh bơta pin dờn mờ lơh broă bal, lơh loh làng ală broă lơh geh gơrềng ờ niam tus rơndăp tăp sèng jat tàm kơrnoat boh lam mờ gơguh kal ke. Cribơyai kung tơrgùm cribơyai bè broă lơh nàng ală mpồl lơh broă tàm dà lềng mờ ală gùng dà broă lơh tàm tiah do dê gơtùi tă pơgồp bal bơt bơtàu, wèt tus jơnau kờñ tài dùl Dà lềng ring lơngai rlau tai.

Cribơyai dunia bè Dà lềng đah mat tơngai lik dơ̆ 15 geh 18 dơ̆ cribơyai bè ală tơngume, bè: ală lơgar dờng mờ ală kơnòl dờng- lơh broă bal mờ ơm kis bal tàm tơngai tàm pơrlòng gơguh uă; broă tus bal mờ uă lơgar bè Dà lềng đah mat tơngai lik dê; tơngume adat boh lam ai bơta tàm pơndang adat boh lam in; gơnoar bơh Kảñ sát dà lềng dê tàm broă sơlơ tơnguh lơh broă bal tàm Dà lềng đah mat tơngai lik...