Sơnđờm mut lơh Ngai chờ “Brê bơnơm dờng ơning ơnàng Tây Nguyên- Bơta niam bơnĕ tơrgùm bal” tàm càr Kon Tum
Thứ năm, 11:00, 30/11/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mờ tơngume “Brê bơnơm dờng ơning ơnàng Tây Nguyên- bơta niam bơnĕ tơrgùm bal”, mang ngai 29/11, tàm Ƀlàng dờng 16/03 tàm ƀòn dờng Kon Tum, càr Kon Tum geh bơyai lơh dơ̆ sơnđờm mut lơh Ngai chờ Niam chài, Tàp pràn să jan mờ Lòt nhơl ală jơi bơtiàn tàm tiah Tây Nguyên dơ̆ 1 nam 2023.
Tus bal Ngai chờ geh pơgap 1 rơbô nă cau chài, cau chài lơh, cau tàm pơrlòng làng bol mờ ala mat ală jơi bơtiàn gam ơm kis tàm ù tiah 5 càr Tây Nguyên.
Đơs sơnđờm mut lơh mờ đơng lam Ngai chờ, ala mat Đảng, Dà lơgar, Đại tướng Tô Lâm, Kwang bàng Ƀộ Cíñ trị, Ƀộ trưởng Ƀộ Kwang àng đơs sùm: Đảng mờ Dà lơgar he dê sùm sền gròi ngan bơtàu tơnguh tơl làm mờ kơ̆ kơl kăp tàm tiah Tây Nguyên. Bơh tŭ tam gơl pa tus tŭ do neh ai lơh jat uă Nghị quyết, Cỉ thị, jơnau đơs pơn dŭt bè broă do. Ngai 6/10/2022 Bộ Cíñ trị khoă XIII neh ai lơh jat Nghị quyết sồ 23 bè bơtàu tơnguh lơh sa- mpồl bơtiàn mờ sền gàr lơngăp lơngai dà lơgar, lơngăp lơngai tiah Tây Nguyên tus nam 2030, bơta rơndăp lơh tus nam 2045.
Viết bình luận