Tàm pơrjum, ală kwang bàng cribơyai, ring bal pơlam gùng dà broă rơndăp lơh lơh broă bơh tiah do dê ai tơngai lơh broă pa in, mơkung chồl tơnguh lơh broă bal, gùng dà broă lơh pơgồp bal mờ cribơyai bơta mờng chài lơh broă đah ală Mpồl dà lơgar tàm broă lơh jat gơnoar broă dong kờn kòn bơnus.

Đơs tàm dơ̆ sơnđờm mut pơrjum, Phó Thủ tướng Trần Lưu Quang đơs nền, bơta tus bal jơh nùs rcang lài mờ geh kơnòl bơh lơgar Việt Nam dê gơwèt mờ srơh Cữ thập đỏ, Àng kơnhai sề mơ̆ pơrhê dunia dê. Phó Thủ tướng Trần Lưu Quang kung sồr, Cíñ phủ ală lơgar, mpồl dunia, tàm tiah do mờ ală gah geh gơrềng pơn jat tai lời ai lài uă ngan mờ uă priă jền rlau tai ai ală broă lơh dong kờl kòn bơnus in. Mơkung kơ̆p kờñ ală broă lơh dong kờl kòn bơnus dunia tơrgùm uă rlau tai ai broă rcang sơndră, sơndră geh cồng nha mờ bơta lòng lơngăp lơngai ờ hềt geh bơh yau, digơlan gơrềng kơn jơ̆ kơn jŭt ngan tus tơl lơgar dê.