Tàm dơ̆ pơrjum do, Ủy ƀan Thường vụ Quôk hội ai jơnau đơs bè bàr pe broă dờng gam geh jơnau đơs ờ krơi is bơh ală rơndăp lơh Adat dê, hơ̆ là: Adat Rơcăng gàr dà lơgar; Adat Sền gàr gơnoar kwơ cau ngui sa (tam gơl); Adat lơh broă tàm điện tử (tam gơl); jơnau rơcăng cih Kơrnoăt sền gàr jơnau yal tơngĭt is să tờm dê; jơnau rơcăng cih Kơrnoăt bè kơnòl, gơnăp gơnoar mờ rơndăp tăp sèng, rơndăp broă bơh Mpồl Cau gơnoar cih dê; jơnau rơcăng cih Kơrnoăt bơh Ủy ƀan Thường vụ Quôk hội dê bè broă tàm pơrlòng, jờng rơ gơwèt mờ kwang bàng Quôk hội, ală anih lơh broă Quôk hội, ală anih lơh broă gơwèt Ủy ƀan Thường vụ mờ kwang bàng, kông cưk gơwèt gơnăp gơnoar ătbồ bơh Ủy ƀan Thường vụ Quôk hội dê.

Ủy ƀan Thường vụ Quôk hội kung rơ̆p sền swì, ring bal jơnau rơcăng cih Kơrnoăt sồr Lơh glài lơh tìs mờ priă tàm gah kờp sền tă ngui priă jền dà lơgar; jơnau rơcăng cih Kơrnoăt pơlam lơh jăt Tơngume jơnau pal jăt dơ̆ pơrjum Quôk hội dê.