Tơngkah kir sơn rai 93 nam Ngai crơng gơs Đảng mờ 10 nam crơng gơs Mpồl đơng lam Dà lơgar bè rcang sơndră sa kuề sa kuà mờ bơta ờ niam, ngai do 02/02/2023, tàm Hà Nội, geh bơyai lơh Dơ̆ tơlik mat pang sră “Kràn cê jơh nùs, lơh ngan tam dră, rcang sơndră sa kuề, sa kuà mờ bơta ờ niam, pơgồp bơnah bơt bơtàu Đảng mờ Dà lơgar he dê ngai sơlơ sàng goh, pràn kơl dang, kơ̆ kơljap” bơh Tổng Ƀí thư ồng Nguyễn Phú Trọng dê.

Pang sră tàm hơ̆ geh 3 bơnah: Bơnah dơ̆ 1, là ală broă dờng mờ Tổng Ƀí thư ồng Nguyễn Phú Trọng dê ai tơlik; Bơnah dơ̆ 2, geh gơrềng tus bơta geh ngan đơng lam rcang sơndră sa kuề sa kuà, mờ bơta geh ngan mờ Tổng Ƀí thư ồng Nguyễn Phú Trọng sồr mờ đơng lam Đảng he rcang sơndră sa kuề sa kuà; Bơnah dơ̆ 3, là ală jơnau cih tơngŏ bơta dùl nùs bal jơh gùt làng bol tàm broă lơh rcang sơndră sa kuề, sa kuà do dê. Phó Giáo  sư- Tiến sĩ ồng Lê Quốc Lý- lài do là Phó Kwang atbồ Học viện Cíñ trị Dà lơgar Hồ Chí Minh pà gĭt: do là pang sră kờñ pal geh ngan là pang sră nàng tơl nă đảng viên in bơsram tàp is, lơh niam wơl is să tờm, bơsong ală bơta ờ niam, ờ pràn bơh he dê tàm bơta geh ngan bơt bơtàu dà lơgar.