Tàm pang sră geh gơl cih: “Tàm 30 nam do, Đảng Kộng sản lơgar Nga sùm lơh jăt ai củ nghĩa Mác – Lê-nin lơh tơngu me tòm nùs nhơm, đềt mềr mờ bơta kwơ bơh giai kấp kông ñân, làng bol lơh broă sa, cau ngăc ngar mờ làng bol lơh broă, geh bơta tă pơgồp bal dờng màng tus mờ broă tơnguh bơtàu pa lơgar Nga dê, at gơnoar kwơ màng tàm srơh kộng sản mờ kông ñân dunia.

Đảng Kộng sản Việt Nam sùm sền kwơ mờ bal mờ ală kwang bàng lơh jăk chài rơlao tai bơta git gơ̆p ờs mờng, lơh bơyô bal mờ Đảng Kộng sản lơgar Nga, tơnguh bơta git gơ̆p jŏ jòng tơl ală bơta đah lơgar Việt Nam mờ lơgar Nga, tài bơta kwơ bơh làng bol bàr lơgar, tài bơta ring lơngai, kơl jăp tàm tiah do mờ tàm dunia. Chờ gờm Đảng Kộng sản lơgar Nga lơh geh uă cồng nha pa dờng màng rơlao tai tàm broă bơ̆t bơtàu củ nghĩa xã hội, tài bơta pas gơs mờ gơboh gơbài bơh làng bol lơgar Nga dê.